2019 жылдың 23-қаңтар күні Астана қаласы әкімдігінің "Үміт" Дағдарыс орталығында "Өнер-өмір айнасы" қорының актерлері "Тапқыр тышқан"ертегісін қойды. Адамды ертегімен таныстыру оның өмірінің алғашқы жылдарынан басталады. Ертегі баланың ойын дамытады, қиялдауға үйретеді. Ал баланың қиялдары – бала тұлғасының толыққанды дамуының маңызды шарты, оның жан саулығының кепілі.
2019 жылдың 23-қаңтар күні Астана қаласы әкімдігінің «Үміт» дағдарыс орталығының психологы Жазира Құрбанәліқызы «Сана трансформациясы» атты тренинг өткізді. Тренингте негативті энергиядан арылуға көмектесетін жаттығулар болды. Психолог қызмет алушыларға өткенді босату, өкпе-реніштен арылу, өзіңді қабылдау, жақсы көру, даму үшін сананы өзгерту керек екенін айтты.
Мотивациялық тренингтер бүгінгі таңда ең танымал және сұранысқа ие болып отыр.Өйткені адам қалаған мақсаттарға жету үшін ынталандыру қиын.Сондықтан үнемі түрлі психологиялық бағдарламалар әзірленеді, олардың көмегімен адам өзі үшін қанаттандыратын дүние екенін түсінеді. Тұрмыстық зорлық-зомбылықтан кейін мотивациялық тернингтің маңызы өте жоғары.
2018 жылдың 11 қаңтарында "Үміт" дағдарыс орталығының заңгері Астана қаласының мамандандырылған ауданаралық әкімшілік сотында "Отбасылық сот"пилоттық жобасын енгізу шеңберінде өткізілген жұмыс кеңесіне қатысты. Сондай-ақ, кеңеске Астана қаласы жергілікті полиция қызметі, Астана қаласының прокуратурасы және Астана қаласының Жұмыспен қамту және әлеуметтік қорғау басқармасының өкілдері қатысты.
2018 жылдың 28 желтоқсан күні Астана қаласы әкімдігінің «Үміт» дағдарыс орталығында Жаңа жылдық шырша өтті. Жаңажылдық мерекеге сай безендірілген алаңда Аяз ата, Ақшақар мен жыл иелері барлық қатысушыларға ғажайып ертегідегідей сезім сыйлады. Сонымен қатар ертегі кейіпкерлері Микки-Маус, Пираттар, Перілер өнер көрсетті.
