Астана қаласы әкімдігінің «Үміт» дағдарыс орталығы» КММ

Астана қаласы әкімдігінің «Үміт» Дағдарыс орталығында» (бұдан әрі-Орталық) 2018 жылдың 24 шілде күні өмірлік қиын жағдайға тап болған әйелдер мен балаларға қажетті қолдау көрсету және олардың проблемаларын шешу мақсатында, Астана қаласы әкімінің бас инспекторы, әйелдер ісі және отбасылық-демографиялық саясаты комиссиясының хатшысы Р.А.Имангазинова, Ішкі істер департаментінің аға инспекторы А.А.Серікбаева және білім басқармасы мен №5 қалалық емхананың өкілдерінің қатысуымен орталықтағы қызметалушылармен кездесу өтті.

Оқу немесе естудегі талдау процессінде балалардың қиялы мен аналитикалық қабілеттерін дамыту үшін орталықтың психологы ертегі терапиясын пайдаланады. Алдымен, дене және қол қозғалыстарымен Жазира Құрбаналиқызы балаларға ертегі кейіпкерлерін көрсетіп түсіндірді, арнайы костюмдерді кигізді. Дене қимылдарын үйренгеннен кейін ертегіні балалар өздері көрсетіп айтуға тырысты. Басында қиын болғанымен, соңына келе балалар қойылымды түсініп барлық тапсырмаларды орындап шықты, үлкен эмоцияға кеңелді.

2018 жылдың 19 шілде күні Астана қаласы әкімдігінің «Үміт» дағдарыс орталығы» Ішкі істер департаментімен бірлесіп, халықтың  назарын тұрмыстық зорлық- зомбылық мәселелері жайлы, отбасындағы қатыгездіктің алдын-алу мақсатымен профилактикалық акция өткізді. Жоспарланған іс-шаралар барысында мамандар осы мәселерді шешудегі әлеуметтік көмек түрлері және қызмет көрсету мекемелері туралы баяндап, түсіндірді.

Еңбек терапиясы - балаларды әлеуметтік ортаға бейімдейді, қоғаммен қарым-қатынас жасауға, өзін өзі дербес ұстау дағдыларын арттыруға оқытады. Орталықтың балаларына өзіне-өзі қызмет көрсету дағдыларын, өз бетінше ойлау қабілетін дамытуға, еңбекке деген сүйіспеншілікті және шешім қабылдауға еңбек терапиясы бойынша маман Жолдасова С.С. көмектеседі.

2018 жылдың 16 шілде күні Астана қаласы әкімдігінің «Үміт» дағдарыс орталығында» кіші және мектеп жасындағы балалар үшін психологиялық жаттығулар түрінде тренинг өтті. Актерлік техниканы, релаксациялық жаттығуларды, сюжеттік-рөлдік ойындарды, диагностикалық әдістерді қамтитын жаттығулар 3-9 жас аралығындағы балаларға өзіне сенімді болуға, айналасындағылармен қарым- қатынасын оңалтуға және алаңдаушылықты төмендетуге көмектесу үшін бағытталған.